دیدہ ورانِ دیں کا نشاں تھا ابوالکلام
ہندوستاں کی روحِ رواں تھا ابوالکلام
لذتِ کشان بادۂ ایثار زندہ باد
اس انجمن کا پیرِ مغاں تھا ابوالکلام
اس سر زمیں کے منبر و محراب ہیں گواہ
بتخانۂ وطن میں اذاں تھا ابوالکلام
تھے اس پہ واشگاف سیاست کے پیچ و خم
اک شہ دماغ و سیفِ زباں تھا ابوالکلام
اربابِ اقتدار کی ہیبت سے بے نیاز
طاعت گزارِ ربِ جہاں تھا ابوالکلام
شورش جنہیں تھا اس کی بصیرت سے اختلاف
وہ اب سمجھ رہے ہیں کہاں تھا ابوالکلام
۔۔
آغا شورش کاشمیری
ہندوستاں کی روحِ رواں تھا ابوالکلام
لذتِ کشان بادۂ ایثار زندہ باد
اس انجمن کا پیرِ مغاں تھا ابوالکلام
اس سر زمیں کے منبر و محراب ہیں گواہ
بتخانۂ وطن میں اذاں تھا ابوالکلام
تھے اس پہ واشگاف سیاست کے پیچ و خم
اک شہ دماغ و سیفِ زباں تھا ابوالکلام
اربابِ اقتدار کی ہیبت سے بے نیاز
طاعت گزارِ ربِ جہاں تھا ابوالکلام
شورش جنہیں تھا اس کی بصیرت سے اختلاف
وہ اب سمجھ رہے ہیں کہاں تھا ابوالکلام
۔۔
آغا شورش کاشمیری
